බ්ලොග්කරණය සවිස්තරාත්මකව…

ජූලි 6, 2009 · සම්පාදනය සාහිත්‍ය ඒකකය විසිනි

බ්ලොග් අඩවියක් කියන්නේ පුද්ගලික දිනපොතක්. තමන්ගේ පුද්ගලික අත්දැකීම් වගේම, ඊ‍ට එහාට ගියපු දේශපාලනික, සමාජයීය අත්දැකීම් තමන්ට කැමති විදිහකට සටහන් කරන්නට ලැබෙන හිස් අවකාශයක්. මේ අවකාශය තුළ තමන්ට කැමති විදිහකට හැසිරෙන්න පුළුවන්. ඒ කියන්නේ මේ බ්ලොග් අඩවිය තමන්ටම පමණක් සුවිශේෂී වන නිසා. නිකම්ම සිතිවිලි සමුදායක් පමණක් නොවෙයි. එදිනෙදා තමන්ට අසන්නට ලැබෙන ප්‍රවෘත්ති, නළු නිළි ඕපාදූප, අන්තර්ජාලයේ තමන්ට හමුවන වෙබ් අඩවි, අධ්‍යාපනික ලිපි, තාක්ෂණික තොරතුරු, චිත්‍රපටි මේ හැම දෙයක්ම තමන්ට තමන්ගේ බ්ලොග් අඩවි වල සටහන් කරන්න පුළුවන්. සරලව හිතන්න, තමුන් තරගයක් සඳහා රචනාවක් ඉදිරිපත් කරනවා. තමුන්ට සිද්ධ වෙනවා ඒ නීති රීති වලට එකඟ වෙන්න. එහෙම නොවුනොත් තමන්ට හැකියාවක් ‍ලැබෙන්නේ නෑ ඒ තරගාවලිය සඳහා තමුන්ගේ නිර්මාණ ඉදිරිපත් කරන්න. තමුන්ට සිදු වනවා ඒ රචනාව යම් කිසි මාතෘකාවකට සීමා කරන්න වගේම, නීති රාමුව යටතේ ඉදිරිපත් කරනු ලබන වචන සීමාවකට යටත් කරන්න. හරි. අපි හිතමු ඔබ ඒ රචනාව කොහොමහරි ඒ මාතෘකානුකූලව, ඒ වචන සීමාවට යටත් වෙලා තරගාවලියට ඉදිරිපත් කළා කියලා. ඒත් එතනින් එහාට? ඔව්. ඔබේ නිර්මාණය යම් කිසි විනිශ්චය මණ්ඩලයකට ...